بو فیلم ده کمال سونال گئچینمک اوچون نه ایش اولسا گؤرور و چؤرگین داشدان چیخاردان بیر آدام دیر، بیر گون یولداشینین قایق‌ین ایشلرکن کؤرپه بیر اوشاق تاپیر، سونرا چالیشیر اونو بیراخسین وئرسین آیری آدام بؤیوتسین آنجاق... بیز کمال سونالی شابان یادا شعبان آدیلا تانیروق، من اؤزوم اونو هئچ واخت اونوتمادیم اونوتمارام.

علی عباس آدیندا بیر اوغلان سئوگیلیسینه قووشماق اوچون چالیشیر، بو ایش او قدر چتین دیر کی یوخوسودا اونا قاداغان اولوب. بو گولملی فیلمده نصیبه زینالوا (قاینانا فیلمین‌ده جنت خالا) اولماقی فیلمی داحا دا چوخ باخمالی ائلیوب دیر. بو فیلم 2001-جی ایلده قوزئی آزربایجاندا چکیلمیش و باشا چاتمیش دیر.

قاچاق نبی آزربایجانین خالق قهرمانی دیر کی روس تزار حکومتی دؤنمینده ظولمه قارشی ساواشیردی. نبی کاسیب لارین قارداشی آمما ظالیم لرین بؤیوک دوشمانی اولدو، بو یولدا ایگید کیمی مباریزه آپاردی و اونون آدی تاریخده یازیلدی کی سونسوزا جاق بو یوردون ائولادلاری اونو اونوتماسین، بو تاریخی فیلمدن بؤیوک درسلر آلماق اولار بونا گورا دا اگر آزربایجانی سئویرسوز بو گؤزل فیلمی الدن وئرمیون.

تومریس یادا تومروس خاتون‌ ماساگتلرین ملکه‌سی ایدی، ماساگتلر تاریخی بیر خالق و حؤکومتین آدی دیر کی میلاد مسیح‌دن قاباق خزر دنیزی‌نین اطرافیندا بوگونکو آذربایجان تورپاغیندا ، آراز چایی‌نین قوزئی‌ینده اولان ماساگت شاهلیغینا حؤکومت ائلییرمیشلر. بو فیلم‌ده قدیم ایرانین شاهی کوروش، تومریس خاتونا قارشی ساواش باشلادیر و اولاری اؤزونه تابع ائله‌مک ایسته‌ییر. بو تاریخی فیلمی آذربایجان تورکجه‌سینده آلماس سایتیندان دانلود ائلیه بیلرسوز.

دده قورقود فیلمی 1975 ایلینده قوزئی آزربایجاندا چکیلمیش، بو فیلم دده قورقود ناغیل لاریندان «بئیرک» ایگیدین ناغیلین تصویره چکیب. بو ناغیلدا «بایاندور خان» اوغوزلارین خاقانی تخت و تاجین یئنی واریثه تاپشیریر و بو اوزدن اوغوز بَی لری آراسیندا اختلاف توشور و... «دده قورقود» آزربایجانین و دونیادا بوتون تورک خالقلارینین بؤیوک ناغیل یازاری دیر، بو فیلم اونون اثرلریندن بیر داملا دیر. بو یوردو سئونلر و اونون ایگیدلرینه سایغیسی اولان اینسانلار دده قورقودو تانیمالی دیرلار. بو فیلمی ایلماز آدلی بیر قارداشیمیز ایستدی منده وظیفه بیلدیم کی ممکن قدر یوخاری کالیته ده یا یوخاری کیفیت ده اونو آلماس سایتیندا یوکلیعم.

[دانلود رایگان | برای اولین بار با بالاترین کیفیت موجود]

بو فیلمه چوخوموز اوشاقلیقدا باخمیشوق و خاطیرمیزده یئری وار، داحا اویقون معنادا نوستالژی دئمک اولار. گلین لر فیلمین بیز بوردا گلین قاینانا آدیلا دا تانیروق، بو فیلم 2002 ایلینده قوزئی آذربایجاندا چکیلمیش بیر کومدیا فیلمی دیر. بو فیلمده قاینانانین گلین لرنن بحث ائله مسی و اوغولارینین بو آرادا عاجیز قالماسی تصویره چکیلمیش. بو فیلمه باخانلاردا باخمیانلاردا باخسین منجه. رافائل ایسکندرو (مایل) بو فیلمده اولماغی بیزی داحا چوخ بو فیلمه باخماقا چاغیریر!

ماییلین فیلمینه باخانلار حتماً بونادا باخسین، ماییلدا اولان اویونچولارین هاممیسی بو فیلمده وار! بو فیلمده حادیثه لر مسکو-دان باکیا یولا توشن قاطاردا باش وریر. بو قاطارین موسافیرلری بوتون آیری موسافیرلردن فرقی وار... آذربایجان-تورک فیلملرین سئونلر بو گولملی فیلمی الدن وئرمسینلر!

ایرانداکی تورکلر آراسیندا قاینانا فیلمینین نه قدر تانیلماسی بلّی دی، اؤزلّیکله آتا آنالار و یاشلی لارین چوخو بو گولملی فیلمه باخیبلار. بو فیلم شوروی زامانیندا قوزئی آذربایجاندا چکیلمیشدی. فیلمده جنت آدیندا بیر قاینانا گلینی سئودا-نان یولا گئتمیلر، بونا گورا جنت خالانین اوغلو آیاز آیری بیر گلین ائوه گتیرئی، آمما جنت خالا بو گلین-نن یولا گئده جک یا یوخ...؟!

قیز قاچیرتما 3 فیلمینده بو اوچ یولداش (تزه کیشی، ممد، و ملیک) یئنه قیزقاچیرتماغا مجبور قالی لار، آنجاق بو سفر چتین دورومدا ! ملیک عسگرلیکده و اونون سئودیگی قیزی باشکا بیر اوغلانا آداخلاندیریلار، تزه کیشی و ممد بونو اشیدن نن سورا او قیزی قاچیرتماغا قرار وریلر آمما بو قیز کاراتا چمپیونو دی، اونو قاچیرتماق او قدر راحات اولمادیغی بلّی دی. بو فیلمین ایکرانی 2019-ینجی ایلده دسامبرین 20 سیندن باکی شهرینین سینمالاریندا باشلانمیشدی آمما تلویزیون و اینترنت ده یاییلماغیندان خبر یوخدی، ایحتیمالی چوخدی بو یاخینلاردا اؤزللیکله یئنی ایلده 2021-ینجی ایلین بایرامیندا خزر تی وی دن بو گؤزل کومدیانین یاییلماسینا شاهید اولاخ. بو یازیـنین آردیندا فیلمین تانیتیم ویدیوسون یوکسک کالیته ده Full HD اولاراق ائندیره بیلرسوز.